Plantun de Prouvènço

Pèr coumpara dos planto d'encò nostre

Draba muralis & Bupleurum tenuissimum

Draba muralis

Brassicaceae Cruciferae

Nom en français : Drave des murailles.

Descripcioun :
Lou cauri-de-muraio es uno planto coumuno au levant de Prouvènço e raro en deforo. Trachis dins li muraio umido e fresco. La planto èi bèn drecho e peludo à la baso (péu simple, bifurca e estela). Se recounèis à si fueio de cambo sènso pecou e dentado. Li flour soun mistoulino e li siliculo, que s'escarton de la tijo, fan de 3 à 7 mm.

Usanço :
Es uno planto richo en vitamino C. Escriéure au site se n'en sabès mai.

Port : Erbo
Taio : 3 à 35 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Draba
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 2 à 4 mm
Flourido : Printèms

Sòu : Si (Ca)
Autour basso e auto : 0 à 1600 m
Aparado : Noun
Mars à jun

Liò : Roucas - Muraio - Paret
Estànci : Mesoumediterran à Mountagnard
Couroulougi : Paleoutemperado
Ref. sc. : Draba muralis L., 1767

Buplèvre(-prim)

Bupleurum tenuissimum

Apiaceae Umbelliferae

Nom en français : Buplèvre menu.

Descripcioun :
Lou buplèvre-prim es uno planto dindouleto, ramificado tre la baso e que retoumbo souvènt. Èi pèr acò que se vèi pas toujour. Trachis dins li prado e pelouso umido, li mueio e pulèu sus marlo o argielo e de cop que i'a sus un sòu sala. S'aluencho pas trop de la mar. Sèmblo proun au buplèvre-verdau, Bupleurum semicompositum, pamens aquest darrié trachis dins li relarg secous, e si fru soun pas cubert de costo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Roso
Petalo : 5
Ø (o loungour) flour : 3 mm
Flourido : Printèms - Estiéu - Autouno

Sòu : Na Cl
Autour basso e auto : 0 à 600 m
Aparado : Noun
Remarco : Planto de coustiero
Jun à óutobre

Liò : Prado umido - Mueio - Marlo - Ermas
Estànci : Mesoumediterran
Couroulougi : Mediterrano-atlantico
Ref. sc. : Bupleurum tenuissimum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Draba muralis & Bupleurum tenuissimum

ges

Coumpara Cauri(-de-muraio) emé uno autro planto

Coumpara Buplèvre(-prim) emé uno autro planto